Novas de interese - Terra de Outes


Detalle da nova:

Churrascada

     Xoan Mariño      15/07/2017
Ver noticia

En adxunto, convocatoria churrascada Terra de Outes. O prezo por persoa andará entre os 12 e os 15 € (menores de 18 a metade, menores de 14, 3€).
Fixádevos no prazo para apuntarse.

Xoán Mariño

 

 

A. C.-C.TERRA DE OUTES

Local Social de Outes

Outes-15239

 

 

 

Estimadas socias e socios:

 

Como todos os anos, no mes de xullo, Terra de Outes organiza unha churrascada para todos os socios/as e colaboradores/as, á cal están tamén invitados os familiares e amigos dos que calquera socio/a desexe vir acompañado, coa condición de apuntarse para a mesma cunha semana de antelación, a fin de saber coa maior exactitude posible a cantidade de comida e bebida que vai ser necesaria.

A churrascada vai ter lugar o sábado 15 de xullo na área recreativa que o Liceo de Noia posúe en Ceilán e pón á nosa disposición. Como sempre, vai estar supervisada polos nosos “chefs” Francisco Balayo Pancho e Quico Vidal;comenzará a prepararse ás 13 horas e mentres a carne chega ao seu punto, que será en torno ás 14 h., teremos unhas empanadas de entrante e uns viños para os adultos e refrescos para menores de idade.

Durante a sobremesa, aproximadamente ás 17:00 horas, no mesmo lugar presentaremos o nº 39 da nosa revista Terra de Outes.

Para vir á comida é preciso que confirmedes a vosa asistencia –e digades se ides traer acompañante/s– antes do domingo 9 de xullo, no teléfono 634 416 574 ou no enderezo electrónico terradeoutes@gmail.com. Se únicamente ides asistir á presentación da revista, non é necesario anotarse previamente e estades invitados a un café e chupiños se vos apetece.

 

                             Un cordial saúdo                                         

Ramón Blanco Fernández

Secretario daA. C.-C.TERRA DE OUTES

                                                                       Outes, 30 de xuño de 2017

 

 

 




Logo Terra de Outes

Terra de Outes

Local social parroquia de Outes, s/n. C.P. 15239, Outes (A Coruña)
Tlf:  (+34) 634 416 574